Valbona Selimllari dhe Bora Zemani debatuan mbrëmjen e djeshme në ‘Dancing With the Stars’ pasi konkurrentët akuzuan jurinë se ka preferenca. “Ajo që shihni ju në ekran është aftësia e produksionit për t’ju nxjerrë ju yje atje. Të gjithë këta që e shohin në YouTube performancën e tyre, e shohin të kuruar atë, kurse ne këtu nuk kurojmë asnjë gjë. Ne shohim çdo hap, të cilin njerëzit nuk e shikojnë në shtëpi”, tha mes të tjerash Valbona.
Bora iu doli në krah konkurrentëve dhe tha se produksioni as ndërhyn, as nuk i kuron performancat e tyre. Pas debatit të tyre, Monika Lubonja e ka thumbuar keq moderatoren.
Po na dhurojnë nga një çudi më vete, se spektakël nuk është se po na bëjnë, por hajde, nejse. Po 4 muaj mi zemër, moj bukuri, moj dashuri nuk fole, nuk debatove, nuk the një mendim tëndin, tani e gjete të debatosh me yllin më të bukur të Shqipërisë? Bobin? Zemër, është Bobi ajo, është e bukur e lindur”, është shprehur Monika në një video të publikuar në rrjete sociale.
