Nëse keni nevojë për pak frymëzim në stil, shihni mbretëreshë Rania-n! Rania, u martua me princin Abdullah II bin al-Hussein (tani mbret) e Jordanisë në 1993-in.
Ajo u bë mbretëreshë që në moshën 28-vjeçare, por ka diçka në tërësinë e saj që e bën të duket se gjithnjë ka qenë e tillë!
Përpos statusit të saj, mbretëresha e Jordanisë është e famshme për veshjet dhe kombinimet e pagabueshme që bën. Duket gjithnjë elegante, plot sharm, thjeshtësi dhe shumë, shumë frymëzuese.
Mbretëresha ka provuar se është mjeshtre e fundeve treçereksh,rripave të mesit, këmishave apo pantallonave të gjera.
Ndryshe nga Kate Middleton që qëndron brenda kuadratit të një princeshe, Rania e Jordanisë guxon me ngjyra, printe dhe prerje ekstravagante që kur vishen prej saj ngjajnë një mrekulli!
E komentuar shumë për stilin e veçantë, mbretëresha e Jordanisë është një tjetër provë se shija nuk ka asnjë lidhje me statusin financiar apo atë social.
49-vjeçarja është dukur njësoj elegante si me këtë veshje nga Zara
ashtu dhe me fundin Fendi.