Shumica e njerëzve ankohen për punën që kanë. Edhe ti që je duke lexuar tani, e bën këtë gjë. Dikush për një arsye, e dikush për një tjetër shprehjet në majë të gjuhës janë: Do ta lë këtë dreq pune. Kjo punë po ma merr shpirtin. Eh, të isha i pasur e të mos punoja. Do të të japim të drejtë për të gjitha këto fjalë, vetëm nëse puna jote bën pjesë në grupin e punëve më të mërzitshme të listës që ka nxjerrë “CareerCast”. Në renditje ka përfshirë faktorë që lidhen me: potencialin për udhëtime, rritjen e karrierës, konkurrencën, afatet, përmbushjen, kërkesat fizike, rreziqet e hasura, kushtet mjedisore, rrezikun e lëndimit ose vdekjes dhe punën në sy të publikut.
Ushtarakët, sepse janë gjithmonë në rrezik të dëmtojnë veten dhe tjetrin.
Zjarrfikësit, sepse jo gjithmonë puna e tyre lidhet me zbritjen e një maceje kokëfortë nga pema.
Piloti, sepse ka përgjegjësi për jetën e shumë njerëzve. Plus që i di mirë rreziqet. Një gabim i vogël dhe askush nuk shpëton.
Polici, sepse ka të njëjtat përgjegjësi si ushtarakët.
Koordinatori i eventeve mund t`i duket kujtdo se ka një punë qejfi, por nuk është kështu. Njerëzit e tjerë do bëjnë qejf. Koordinatori ka për detyrë ta bëjë çdo gjë perfekte. E sikur diçka të shkojë keq, s`do ketë ku të mbytet.
Reporteri i gazetës, sepse ka afate të ngushta kohore. Për më tepër ka rrezikun e padive të ndryshme ose pushimit nga puna, qoftë edhe për gabime të vogla. Ndërkohë që problematika më e re e tyre është fakti se shumë kompani mediatike i paguajnë në bazë të klikimeve që marrin shkrimet e tyre. Çfarë presioni?!
Drejtori ekzekutiv i një kompanie, sepse puna e tij nuk është as shëtitje në park e as shëtitje zyrë më zyrë. Çdo veprim ndikon drejtpërdrejt në kompani. Rroga është e mirë, por edhe presioni është i madh.
E njëjta gjë vlen edhe për punonjësin që merret me marrëdhënieve me publikun. Përgjegjësi para kompanisë, por edhe para klientëve e publikut.
Shoferët privat të taksive, sepse përballen me motin e keq, trafikunm lloje të ndryshme njerëzish si dhe konkurrencën me kompanitë e mëdha.
Broadcaster, sepse ka përgjegjësinë e të shpërndarit informacionin pak a shumë si stresi i gazetarëve. Por në këtë rast mund të jetë një radio, televizion ose program.