Prej kohësh në media qarkullojnë lajmet se Kiara është në pritje të ëmbël dhe dyshimet sa vijnë e shtohet pasi në puntatën e fundit të “DWTS Fan Club”, moderatorja ngacmoi publikun me një deklaratë, në të cilën u shpreh se kishte neps.
Gjatë premierës së filmit në Kosovë, Luizit nuk i kanë munguar pyetjet ngacmuese të gazetarëve lidhur me këtë temë.
Gazetarja: Së fundmi është komentuar se Kiara është shtatzënë, çfarë mund të na thoni.
Luizi: Se di.
Gazetarja: Kur kemi për t’ju parë prind për herë të parë?
Luizi: Kur të lindë Kiara.
Gazetarja: Dhe kur ka për të lindur?
Luizi: Kur ta ketë shkruar ai lart.
Gazetarja: Vajzë apo djalë?
Luizi: Vetëm të jetë shëndoshë e mirë. Motra ime ka tre vajza, ndërsa unë çfarë të jetë.
Në intervistën e tij, Luizi ka sqaruar njëherë e mirë zërat që qarkullojnë në lidhje me pjesëmarrjen e tij në Festivalin e Këngës, duke u shprehur se nuk janë aspak të vërteta.
Sa i përket bashkëpunimit me Flori Mumajesin, artisti ka treguar se projekti ka përfunduar dhe pritet të dalë së shpejti.
“Në Kuadër të Dashurisë” ka udhëtuar drejt Kosovës për premierën e filmit në Prishtinë. Aktorët janë pritur me emocion dhe brohorima nga të gjithë dhe dihet se kasti i aktorëve ka shkëlqyer mbrëmjen e djeshme. Për këtë Luizi ka bërë një postim në Instagram, ku teksa ka postuar një video nga mbrëmja e djeshme dhe është shprehur shumë falenderues dhe e ka quajtur Kosovën familjen e tij të dytë.
