Mbrëmjen e kaluar, kasti i “Në Kuadër të Dashurisë” ka qënë i pranishëm në premierën e filmit në Kosovë, ku me plot bindje mund të themi që i është bërë një pritje madhështore.
Por duket se Dea Mishel ka humbur këtë pritje madhështore, pasi ajo nuk ka mundur të mbërrijë në orar dhe duket se shkaqet kanë qënë të shumta.
Përmes një postimi të bërë në rrjetet sociale, Dea, e cila luan rolin e mikëshës së Olta Gixharit ne film, ka treguar se ndihet shumë e turpëruar që nuk ka mundur të arrijë në orar.
Ajo ka publikuar në “InstaStory” një mesazh që ka shkëmbyer me nënën e saj, në të cilën i kërkon që t’i thotë diçka që ta kalojë turpin që ndjen.
“Unë erdha këtu aq vonë. O Zot sa turp më vjen. Më thuaj ndonjë gjë që ta kaloj turpin“, shkruan Dea në mesazhin dërguar nënës së saj.
“Bëji betim vetes, hera e fundit që vonohem”, përgjigjet nëna e Deas.
Bashkangjitur këtij “screenshot-it”, Dea shton: “Biseda me mamin. Unë kam justifikime. Sesi desh bëmë aksident, si na ndaloi policia një orë por janë të kota. Asgjë nuk vlen, unë nuk e përballoj dot turpin. Nuk jetoj dot me të”.
