Ledjana ishte vajza e parë me fat që Mevlani i dedikoi një këngë me emrin e saj. Që në takimin e parë që ata patën bashkë, Mevlani realizoi një këngë për brunen bukuroshe që u prit mjat mirë nga publiku. Mirëpo kjo këngë tashmë është kthyer në një “mollë sherri” mes Mevlanit dhe Ledjanës. Kjo e fundit i vendosi Mevlanit ultimatum që asnjë vajze tjetër, sidomos Antonelës, të mos i dedikojë këngë siç bëri me të.
“Nëse ti i bën këngë Antonelës, unë e lë fare emisionin”, e paralajmëroi ditën e premte Ledjana Mevlanin. (Lexo këtu)
Por në fakt Ledjana nuk është tamam tamam vajza e parë në “Për’puhen” që Mevlani i ka dedikuar një këngë. Mbrëmjen e djeshme në “Shiko kush luan” u shfaqën disa pjesë, që nuk ishin transmetuar më herët në ekran. Mes tyre ishte dhe puntata ku ishin të ftuar disa nga konkurrentët e emisionit “Për’puthen”.
Në këtë pjesë Mevlani improvizoi këngën e tij “Love Story” në “Shiko kush luan” duke sfiduar Sindin pas performancës me violinë. Menjëherë pas këtij improvizimi Luana Vjollca e pyeti nëse kjo këngë është dedikim dhe Mevlani zbuloi se po, por nuk dha një emër. Mirëpo Luana nuk u ndal dhe vazhdoi më tej me ngacmimet për të zbuluar se për kë bëhej fjalë.
Mevlani dha një detaj duke treguar se në videoklipin e këngës ka pasur një arush dhe të gjithë e kuptuan më pas për kë bëhej fjalë. Vajzat e “Për’putehn” u përgjigjen një zëri se këtë këngë Mevlani ja ka dedikuar Fjorelës, vajzës që vendosi të dilte nga programi, sepse e gjeti dashurinë jashtë tij.
Gjatë takimeve të para në fillim të emisionit, Mevlani i dhuroi Fjorelës një arush të madh, që asokohe tërhoqi vëmendjen e të gjithëve. Mes tyre dukej se do të lindte diçka, por më pas gjërat nuk shkuan ashtu siç kishin menduar të gjithë.
