Gati dy vite më parë bëri bujë sherri mes Xhensila Peres dhe Linda Reit, të cilat asokohe morën pjesë në spektaklin “Dance with me”. Linda u largua në puntatat e para, pas shumë debateve me produksionin ndërsa Xhensila u shpall fituese e këtij kompeticioni.
Në natën finale Linda thumboi Xhensilën dhe si dhe produksionin teksa sherri vazhdoi edhe kur modelja u bë pjesë e një klipi të Genës. Linda Rei në një postim e quajti Xhensilën ku*vë pa shije, deklaratë e cila solli edhe reagime të tjera më pas.
E ftuar së fundmi në emisionin “Mes yjesh”, Xhensila la të kuptohet se është penduar për këtë sherr.
“Ka qenë një reagim në nerv e sipër, këtë duhet ta pranoj. Fitoren time në atë spektakël, Linda e përdori kaq keq kundër meje. Ajo në të vërtetë e kishte me produksionin, por që dashje pa dashje më preku dhe mua në mënyrë direkte. Nuk më la që t’a shijoja atë fitoren! Ajo që unë bëra ishte deri diku e gabuar”, tha Xhensila.