Dikur bënë bujë me bashkëpunimin “Nëse m’don ti”, ndërsa së fundmi po tërheq vëmendjen sherri i tyre. Pak ditë më parë Dj Blunt shpërtheu në të shara ndaj Ledri Vulës duke e quajtur atë “kurvë”, video të cilat bënë xhiron në rrjet.
Mirëpo Ledri ka folur mbi këtë sherr vetëm tani në një intervistë për “Jo vetëm modë” ku fillimisht u shpreh se Blunt është një DJ i mirë, por nuk i kurseu as ai ofendimet për të.
“Po tani çfarë problemesh psiqike ka, unë s’jam psikiatër”, u shpreh Ledri.
Megjithatë në fund reperi u shpreh se kjo është një fazë e keqe dhe se ai ruan vetëm kujtimet e bukura që ka me njerëzit.
