Ola dhe Adion Puka duket se po e forcojnë lidhjen e tyre edhe jashtë Ferma VIP.
Së fundmi, vëmendjen e ndjekësve e ka marrë një gjest mjaft i ëmbël nga Ola, e cila ka surprizuar nënën e Adionit me një urim publik për ditëlindje.
Në një postim të ndarë në rrjetet sociale, ajo publikoi një foto ku shfaqet duke përqafuar vjehrrën, ndërsa krahas imazhit shkroi: “Urime ditëlindjen! Festofsh edhe 100 të tjera pranë nesh!”, duke i vendosur gjithashtu një emoji kurore mbi kokë si simbol respekti dhe dashurie.
Postimi është pritur me reagime të shumta pozitive nga ndjekësit, të cilët kanë komentuar afrimitetin e Olës me familjen e partnerit dhe harmoninë që çifti duket se ka krijuar në një kohë shumë të shkurtër.
Që prej përfundimit të spektaklit, Ola dhe Adioni kanë treguar se lidhja e tyre nuk ishte thjesht një romancë televizive. Dyshja e kurorëzoi marrëdhënien me fejesë dhe prej asaj kohe kanë ndarë vazhdimisht momente pranë familjeve të tyre.
Pak ditë më parë, Ola tërhoqi sërish vëmendje në rrjetet sociale gjatë një vizite në Gjakovë, vendlindja e Adionit. Në videot e publikuara, ajo shihej duke u shërbyer kafe familjarëve të partnerit, një detaj që u komentua gjerësisht nga fansat si shenjë respekti dhe përshtatjeje me traditat familjare.
Raporti i afërt mes Olës dhe familjes së Adionit duket se po bëhet gjithnjë e më i fortë, ndërsa fansat vazhdojnë t’i konsiderojnë si një nga çiftet më të dashur që ka dalë nga “Ferma VIP”.
