Ish-banorja e “Big Brother VIP”, Big Mama, duket se është në kërkim të një partneri. Ajo ka qenë së fundmi e ftuar në “Ftesë në 5”, ku i kërkoi moderatores së emisionit, Bieta Sula, që ti gjente një burrë.
Këngëtarja e njohur është shprehur se që kur ka dalë nga shtëpia më e famshme në Shqipëri, njerëzit e kanë marrë frikë. Sipas saj, djemtë kanë hall se mos do t’i rrahë.
“Ne jemi e zgjidhur. Mbeta rrugëve të Tiranës, Maqedonisë dhe Kosovës. Nuk kam kohë për tu lidhur me dikë, por po ma gjete na një nuk ka problem. Ke nga një vëlla a çun. Kur del nga Big Brother nuk afrohen fare, me rastin tim që panë kanë frikë se mos hanë dajakë. Edhe rrugës kur më shohin thonë ik ik se kjo është e vështirë. Por çdo njeri e ka pikën e vetë. Kur vjen pika ime dalë nga vetja”, tha Big Mama.
