Gjoni Muharremaj, i njohur si Gjon’s Tears, ishte së fundmi i ftuar në “A live night”. Ai foli për jetën e tij profesionale, por dhe për atë private.
Këngëtari tregoi se është bullizuar çdo ditë kur ka konkurruar te “Albania’s Got Talent”, por njerëz të tillë do të ketë gjithmonë, prandaj është mirë të jesh i përgatitur.
“Mbaj mend kur bëra ‘Albania’s Got Talent’ kam pasur njerëz që më shanin çdo ditë në Facebook. Mami e ka pas një Facebook edhe më thoshte mos e prek kurrë, se është puna ime se na shkruan ndonjë producent. Mbaj mend që e kam hap një herë, kishte aq shumë njerëz që më kishin shajt, që nuk e kuptova me të vërtetë pse, se unë nuk kam bërë asgjë të keqe, nuk kam shajt njeri, por do të ketë gjithmonë njerëz kështu, prandaj duhet të jesh i përgatitur. Të jesh në emision në televizion sot është e komplikuar”, u shpreh Gjoni.
