Moderatorja Jona Spahiu dhe partneri i saj Frenkli Ymerin do të kurorëzojnë dashurinë e tyre në një dasmë intime më 10 qershor 2018. Gjatë emisionit “Pop Culture”, prezantuesja Dojna Mema dhe Kelvi Kadilli zbuluan se dasma do të jetë vetëm me miqtë e ngushtë dhe familjarët e çiftit dhe nuk do të përfshihen personazhe të famshëm.
Gjithashtu u bë e ditur se menjëherë pas dasmës, Jona do të niset për në Shtetet e Bashkuara të Amerikës ku do të shijojë muajt e fundit të shtatzënisë. Pikërisht në SHBA, ajo do të sjellë në jetë fëmijën e saj të parë. Ndërkohë gjinia e fëmijës ende nuk është bërë e ditur.
Jona Spahiu nuk është e vetmja që ka vendosur të presë ardhjen në jetë të fëmijës në SHBA, pasi edhe bashkëshortja e Eno Popit, Estela Ujka, si dhe bashkëshortja e Valdrin Sahitit, bënë të njëjtën zgjedhje.
