Elvana Gjata ka bërë hapa të mëdhenj, si në muzikën në Shqipëri me albumin shumë të suksesshëm të prezantuar pak kohë më parë, por edhe me bashkëpunime të huaja. Mesa duket këngëtarët shqiptarë tanimë po bëhen shumë të dashur dhe të preferuar edhe nga artistët jashtë.
Ajo është gjithashtu një ndër artistët shqiptarë që numëron mbi 1 milion ndjekës në Instagram, mes tyre edhe personazhë të njohur nga Hollywood. Nga vëzhgimi i intv.al ka rezultuar se Elvana Gjata ndiqet edhe nga ylli i Formula One, Lewis Hamilton.
Ndoshta dhe jo rastësisht, pasi Elvana është një ndër tifozet e tij. Vlen të theksojmë se këngëtarja shqiptare ka qenë e ftuara vip në garën e famshme të Formula 1 në korrik, por ajo nuk ishte vetëm. Bashkë me të në këtë udhëtim ishte edhe producenti i njohur Poo Bear.
