Ekziston ajo periudha që kur ktheheni nga pushimet asgjë të mos ju pëlqejë. Ju nuk forcë të riktheheni në punë, ndjeheni të lodhur dhe ky quhet depresioni pas pushimeve.
Të gjithë njerëzit mezi presin të shkojnë me pushime, të shkëputen nga gjithçka dhe të relaksohen. Bërja gati e valixhes është një mrekulli më vete, por jo gjithçka është njësoj kur ktheheni. Ka njerëz që e përjetojnë mjaft keq kthimin nga pushimet dhe zhyten në depresion. Mirëpo sot do t’ju sjellim disa këshilla të vlefshme se si të mos lejoni që ky lloj trishtimi t’ju mposhtë.
Pranojeni jetën siç është
Pranojeni idenë që pas pushimeve ka sërish jetë dhe një nga gjërat që duhen bërë patjetër është rikthimi në punë. Bëjeni në mënyrën më të mirë, duke larguar ose duke injoruar gjithçka që ju mërzit.
Rikuperoni kohën e humbur
Mblidhni forcat dhe filloni të hartoni një projekt të ri, mos u humbni pas dallgëve të detit, pasi ato nuk janë më pranë jush. Filloni të dilni me miq dhe krijoni ide të reja.
Mos lejoni që puna t’ju mundë
Rikthehuni në punë, por mos ju futni me kokë. Normalisht duhet të angazhoheni shumë më tepër pasi supozohet që jeni rikthyer me energji të reja por mos lejoni që ajo t’ju mundë.
Ushqehuni mirë
Harrojeni atë periudhën e akulloreve dhe birrave. Është koha t’i nënshtrohenui një diete të mirë pasi ju bën gjithashtu të reflektoni. Mos harroni që shëndeti mendor është mjaft i rëndëishëm.
Aktivitet sportiv
Mbi të gjitha mos harroni të bëni aktivitet sportiv. Do t’ju bëjë të ndiheni më të gjallë dhe më aktivë. Gjithashtu kushtojini rëndësi mënyrës së veshjes, ndërroni garderobën dhe do ndiheni një njeri krejtësisht i ri.
Kultivoni lule
Sipas një studimi nga revista “HortScience”, teksa vëzhgoni kopshtin tuaj që rritet, ndjenja e përmbushjes me kënaqësi, rrit edhe koeficientin e lumturisë. Sezoni i vjeshtës është ideal për të kultivuar lule dhe bimë të reja. Sugjerohet që pasi të ktheheni nga puna, bëni mirë të relaksoheni duke u marrë me kopshtin tuaj, me mbjelljen e luleve.
