Aktori i humorit, Donald Veshaj ka reaguar mbrëmjen e së martës në lidhje me marrëdhënien e tij me këngëtaren, Beatrix Ramosaj. Pasi panë një klip ku shfaqeshin momentet më të bukura të tyre, ishte Donaldi që foli pasi Trixa ishte në siklet.
“Trixa e ka siklet këtë gjënë dhe unë e kam kuptuar. Nuk dua që Trixa të jetë në siklet për asgjë. Ajo që dua është kjo”, tha aktori i njohur.
Pas kësaj deklarate moderatorja e dashur për publikun, Arbana Osmani i dha një mesazh nga ekrani Bora Zemanit, duke u shprehur se e ndjen si një grua presionin që ajo ka në këto momente.
“Më vjen keq që një vajzë si Bora është futur në këtë situatë. Duhet të jetë një presion shumë i madh për të. Unë si grua e kuptoj shumë mirë dhe kam qenë një nga ato që ndjeja se mund të kishte një dashuri përrallash mes tyre, por asnjëri prej nesh nuk e di se çfarë do secili prej dy protagonistëve. Të gjithë ne që jemi jashtë duhet të respektojmë si Borën dhe Donaldin”, tha Arbana.
