Gigi Hadid ka qenë në Paris gjatë kësaj fundjave për ‘Paris Fashion Week’. Të dielën ajo është fotografuar me një fustan të shkurtër ngjyrë rozë dhe bezhë, kombinuar me një çantë me të njëjtën ngjyrë. Ajo çfarë ra më shumë në sy ishin çorapet e saj ‘Prada’ që kushtonin plot 165 dollarë. Ato i kanë dhënë veshjes së modeles një tjetër pamje. Veshja e Gigit ka qenë pjesë e pasarelës së ‘Prada’ në vitin 2018 dhe e gjitha arrin në çmimin 2,295 dollarë. Gigi është shoqëruar nga motra e saj, Bella Hadid, e cila kishte zgjedhur një veshje të zezë. Kujtojmë që motrat bëjnë pjesë në listën e modeleve më të paguara.
