Moderatori Drini Zeqo është treguar gjithmonë i rezervuar për jetën e tij private dhe ka ditur ta mbajë atë larg vëmëndjes së mediave. Vetëm në muajin Gusht, përmes një shprehje të postuar në profilin e tij të Instagramit, Drini të paktën zbuloi se është në një histori dashurie, ndonëse kurrë nuk ka folur në lidhje me të. “Nuk jam i sigurtë nëse jemi takuar në momentin e duhur, por meqë jemi të dy këtu, le të provojmë më të mirën tonë”, shkruante ai.
Së fundmi, burime nga ‘Panorama Plus’ kanë fotografuar moderatorin në plazhet e jugut më një femër, e cila mendohet të jetë e dashura e tij. Vajza së cilës Drini i ka dedikuar dhe shprehjen. Fotot janë shkrepur pasi dyshja e ka mbyllur ditën e plazhit dhe po bënin gati sendet e tyre personale për t’i futur në makinë.
Kujtojmë se dhe para një viti, Drini u fotografua me një vajzë në plazhin e Dhermiut dhe rezulton që vajza është po e njëjta, si atëherë edhe tani, duke treguar se romanca mes Drinit dhe vajzës në fjalë vazhdon që prej një kohe të gjate dhe nuk është thjesht një aventurë por lidhje serioze. Sidoqoftë gazetari nuk reagoi në lidhje mbi fotot që para një viti po qarkullonin ne media, por nuk dihet nëse me fotot e rradhës do e kemi ndonjë reagim nga ai. Fotot para një viti:
