NGA MË SUBLIMET TEK MË QESHARAKET/ 13 objektet e pazakonta të shitura në ankand në vitin 2018 - AlpeGossip
NGA MË SUBLIMET TEK MË QESHARAKET/ 13 objektet e pazakonta të shitura në ankand në vitin 2018

NGA MË SUBLIMET TEK MË QESHARAKET/ 13 objektet e pazakonta të shitura në ankand në vitin 2018

Këtë vit janë shitur një numër i madh objektesh të pazakonta në ankande, duke filluar nga më sublimet në ato më qesharaket.

Ankandet kanë tërhequr vëmendjen e të gjithë njerëzve në mbarë botën.

Dhe këtu janë 13 objektet më të pazakonta që janë shitur për shuma marramendëse në ankande:

1. Perla më e madhe e ujërave të ëmbla

Perla më e madhe në botë e ujëra të ëmbla, e njohur si “Luani i fjetur”, u shit për 374.000 dollarë në shtëpinë e ankandit Venduehuis në Holandë në maj.

Besohet se perla me origjinë kineze është formuar në vitet 1700 gjatë dinastisë Qing.

2. Shkëmbinjtë e Hënës

Tre shkëmbinj të vegjël të Hënës, të sjella në tokë nga misioni Sovjetik Luna-16 në vitin 1970, u shitën për 855.000 dollarë në New York të Sotheby në nëntor.

Gurët hënore iu dhanë Nina Ivanovna Koroleva, të vesë së ish drejtorit të programit të hapësirës sovjetike Sergei Pavlovich Korolev si një dhuratë në emër të BRSS.

Në vitin 1993, Koroleva i shiti gurët në Sotheby’s, duke shënuar “herën e parë që një pjesë e një bote tjetër u ofrua për t’ju shitur publikut”, sipas shtëpisë së ankandit.

3. Karrigia me rrota e Stephen Hawking

Karrigia me rrota e Stephen Hawking u shit për 393.000 dollarë në një ankand në internet të Christie në nëntor. Të ardhurat shkuan për Fondacionin Stephen Hawking dhe Shoqatën e Sëmundjeve të Neuronit.

Shkencëtari i ndjerë e përdori karrigen me rrota nga vitet 1960 deri në fillim të viteve 1990, pasi më vonë nuk arrinte ta përdorte dot më pajisjen me duart e tij.

4. Unaza e gjitha prej diamanti

Një unazë e bërë e gjitha nga diamanti, nga dizenjuesi i Apple, Jony Ive dhe dizenjuesi Marc Newson, shkoi nën çekiç për 256.000 dollarë në dhjetor. Asnjëherë më parë nuk është parë një unazë e tillë, apo një artikull i përbërë i gjithi nga diamanti, sipas shtëpisë së ankandit Sotheby’s.

Unaza u shit në një ankand në Miami dhe të ardhurat u dhuruan për (RED), një organizatë bamirëse për HIV / AIDS e ngritur nga këngëtarja Bono dhe aktivisti Bobby Shriver.

5. Skulpturë asiriane 3.000-vjeçare

Një skulpturë e rrallë 3.000 vjeçare u shit për 31 milionë dollarë në New York në Christie në tetor. Skulptura theu rekordin botëror për artin asirian dhe trefishoi vlerësimin e parë të shitjes prej 10 milionë dollarësh.

Pllaka e ngurtë e gipsit, e gërmuar në shekullin e 19-të në Irakun e sotëm, përshkruan një hyjni që i ngjan mbretit Ashurnasirpal II.

6. Smeraldi 5.655 karat

Një kristal smeraldi prej 5.655 karatësh, zbuluar në Zambie në tetor, u shit në ankand për 28.4 milionë dollarë në Singapor në nëntor.

Me një peshë më shumë se 1.1 kg, smeraldi ka një qartësi mahnitëse dhe një ngjyrë të gjelbër të përkryer.

Por perlë nuk është thesari më i madh që është gjetur në minierat e kompanisë. Në vitin 2010, minatorët në Zambia gjetën një smerald 6.225 karatësh të quajtur “elefant” për shkak të madhësisë së saj masive.

7. Uiski 1.1 milionë dollarësh

Një shishe e rrallë uiski është shitur për më shumë se 1.1 milion dollarë në Bonhams të Edinburg, Skoci në tetor. Macallan Valerio Adami e vitit 1926 u bë uiski më i shtrenjtë i shitur ndonjëherë në ankand.

8. Vepra e artit e krijuar nga Inteligjenca Artificiale

“Edmond de Belamy” bëri historinë duke u bërë vepra e parë e artit e prodhuar nga Inteligjenca Artificiale që u shit në një ankand.

Piktura arriti vlerën 432.500 dollarë në Christie’s në New York në tetor, duke tejkaluar në mënyrë dramatike vlerësimin fillestar prej 10.000 dollarësh.

Dhe pse piktura ka nënshkrimin  “min G max D x [log (D(x))] + z [log(1 – D (G(z)))]”, një kod  algoritmi, ajo u prodhua nga Obvious, me bazë në Paris.

Për të prodhuar veprën e artit, Obvious bashkoi 15.000 portrete reale në një algoritëm me dy-pjesë.

Pas shqyrtimit, algoritmi i parë filloi të gjeneronte portretet e veta derisa të krijonte vepra origjinale që mund të ‘mashtronin’ të dytin, me mendimin se ishin bërë nga njeriu.

9. Harta origjinale e Winnie-the-Pooh

Një vizatim origjinal i hartës së Winnie-the-Pooh u shit për gati 600,000 dollarë në Sotheby’s në korrik, duke vendosur një rekord të ri ankandi për një ilustrim libri.

Harta Hundred Acre Wood, e krijuar nga E.H. Shepard në vitin 1926, është harta më e famshme në literaturën e fëmijëve, sipas shtëpisë së ankandit.

Harta përmbante vende që ishin pjesë e aventurave të Pooh, duke përfshirë “Pooh Trap for Heffalumps”. Në ankand u përfshinë edhe katër skica të Shepard.

10-Skeleti dinozaurit

Një skelet dinozauri 150 milion vjeçar është shitur për më shumë se 2.36 milionë dollarë në Paris në qershor.

Fosili i ngjan shumë një Allosaurus, edhe pse shkencëtarët nuk ishin në gjendje të konfirmonin specien e saktë të dinozaurit.

Skeleti është në gjendje të mirë dhe 70% e skeletit është e paprekur.

11. Shkallët e Kullës Eiffel

Një pjesë e shkallëve të Kullës së Eiffel u shitën për 191.000 dollarë nga shtëpia e ankandit Artcurial në nëntor.

Shkalla spirale 4.3 metra e gjatë shërbente dikur në lidhjen e nivelit të dytë dhe të tretë të kullës, para se të instaloheshin ashensorët në vitin 1983.

12. Rolls-Royce e Mbretëreshës së Britanisë

Rolls-Royce i Mbretëreshës Elizabeth II u shit për më shumë se 1 milion dollarë në një ankand në Londër në shtator.

Makina e vitit 1953  u mbajt nga familja mbretërore për më shumë se 40 vjet.

Është gjithashtu i njëjti model që Meghan, Dukesha e Sussex, përdori në ditën e saj të dasmës në maj.

13. Piktura e vetë-shkatërruar Banksy

Piktura e Banksy, “Vajza me tullumbace” u copëzua në ankand, pasi u shit për 1.4 milion dollarë në një ankand të Sotheby në Londër në tetor

Momente pasi u shit, kavanca e një vajzë që përpiqet të kapë një tullumbace u shkatërrua.

Kanavaca papritur rrëshqiti përmes një prerëseje letrash të instaluar në kornizë duke u bërë copash.