Këngëtari i njohur i muzikës popullore mbrëmjen e djeshme i ka dhënë fund beqarisë me një dasmë madhështore mes miqsh dhe familjarëve të tij.
Nga pamjet e publikuara në rrjetet sociale shohim se të shumtë ishin personazhet publik përfshirë aktorë dhe këngëtarë nga të gjitha rrymat muzikore të cilët dhuruan një atmosferë të mrekullueshme duke kënduar e kërcyer së bashku me Ervisin dhe bashkëshorten e tij.
Por detaji i cili tërhoqi më shumë vëmendje ishte një fotografi të vogël të nënës së këngëtarit vendosur në anën e zemrës së tij.
Në prill të vitit të kaluar Ervisi bëri celebrim në Bashkinë e Tiranës duke kurorëzuar dashurinë e tij disavjeçare.
Çifti gjithashtu kanë edhe një djalë, të quajtur Erblin, i cili sapo ka mbushur një vjeç.
Ai u bë i njohur me këngën “Dajo”, e cila tashmë nuk mungon në asnjë prej dasmave shqiptare.
