Siç dihet këngëtarja e njohur Nora Istrefi dhe bashkëshorti i saj Robert Berisha janë prindër të një vajze e cila quhet Renee. Çifti i njohur ndanë shumë shpesh momente nga jeta e tyre private dhe sidomos nga jeta e përditshme e vajzës së vogël, e cila ka treguar shpesh se e ka shumë qejf muzikën.
Së fundmi ka qenë Nora ajo që ka shpërndarë një postim në profilin e saj ,ku tregon se Renee ka edhe aftësi shumë të mira në imitim. Në një video të publikuar në Instastory, vogëlushja shihet duke imituar personazhin e njohur të Elsës, tek filmi vizatimor ‘Frozen’.
Lëvizjet e saj janë po njësoj me ato të aktores në film dhe madje ajo dëgjohet dhe duke kënduar. Nora nuk ka mundur ti rezistonte dot kësaj videoje kaq të ëmbël dhe e ka ndarë atë me ndjekësit e saj që e kanë pritur mjaft mirë.
