Artistja shumë e dashur për publikun, Hueyda El Saied u nda nga jeta në moshën 46-vjeçare si sot një vit më parë. Ajo vuante prej kohësh nga kanceri i gjirit dhe nuk arriti ta fitonte dot betejën me sëmundjen.
Bashkëshorti i saj Thierry e ka kujtuar plot mall duke publikuar në rrjete sociale një video të momenteve të tyre familjare.
“Na mungon shumë…!! Një vit ka kaluar pa dëgjuar zërin tënd, pa dëgjuar të qeshurën tënde, pa parë buzëqeshjen tënde… por je ende në zemrat tona, në mendjet tona, në shpirtrat tanë përgjithmonë! Të duam, Gabriel & Thierry”, ka shkruar Thierry.
