"NJË VIT PLOT SURPRIZA"/ Fatma Methasani drejtuese e televizionit të njohur shqiptar - AlpeGossip
“NJË VIT PLOT SURPRIZA”/ Fatma Methasani drejtuese e televizionit të njohur shqiptar

“NJË VIT PLOT SURPRIZA”/ Fatma Methasani drejtuese e televizionit të njohur shqiptar

Fatma Methasani pret të bëhet nënë për herë të parë, por duket se kjo periudhë e ëmbël i ka rezervuar plot surpriza moderatores. Me një postim në Instagram, Fatma ka lënë shumë vend për komente.

Ajo ka publikuar një foto nga eksperienca e saj në InTV, ku edhe këtë herë nuk mund të mos përmendte fillimet e saj në ekran, që e karakterizonin si ‘vajza çamarroke me konversa’. Teksa ka shkruar me nostalgji për këtë periudhë të shkuar 5-vjeçare, Fatma shton: “Do vazhdoj t’i mbaj konversat, edhe pse këtë herë në zyrë për të drejtuar televizionin që më mësoi se gjërat e bëra me dashuri, funksionojnë gjithmonë.”

Pas lajmeve për mbylljen e televizionit në fjalë, duket se planet dhe strategjitë kanë ndryshuar, duke sjellë kështu Fatmën në rolin drejtues. Siç ka theksuar dhe vetë ajo, sëshpejti do të vijë një version i ri i InTV, ku mesa kuptohet ekipet e punës nuk do të ndërrojnë shumë nga më parë. Natyrisht, gjithçka pritet të shihet pas lindjes së vogëlushit. Ky vit paska nisur plot surpriza për Fatmën!

View this post on Instagram

Nuk para bëj nga këto postime, por le të themi që e ka fajin pritja e ëmbël🤗 ☺️ MAD 2014…Unë,një çamarroke me konversa që kërcente siper divanit.😝 IN 2019…Mbyll një kapitull 5 vjeçar të një emisioni që pa e kuptuar u bë stil jetese.😆 Sot..Do vazhdoj ti mbaj konversat dhe pse kësaj here në zyrë, për të drejtuar televizionin që më mësoi se gjërat e bëra me dashuri,funksionojnë gjithmonë.😇 Për momentin po presim me padurim bebushin, pastaj mezi pres gjithashtu ti dedikohem edhe fëmijës artistik. Të cilin jam e bindur, ju do e dashuroni versionin e ri të IN tv Albania. Energjia apo dashuria e ekipeve që kanë ndërtuar e drejtuar Mad tv apo In tv, dhe dashuria që më keni dhuruar ju që më keni ndjekur,më kanë frymëzuar pafund. Na presin gjëra të mrekullueshme! Është bukur të jesh IN. #INforLife

A post shared by Fatma Methasani (@fatma_methasani) on