Të qenurit police është një profesion i vështirë dhe me sfida, por ata që e kanë ëndërr janë të gatshëm për gjithçka, kështu shprehet për “Ora News”, Ina Hyka, police në Elbasan.
8 marsi nisi me lule dhe urime për Inën e cila menjëherë më pas doli në patrullim së bashku me kolegun.
“Çdo ditë është ndryshe për ne. Është vështirësia mbi të gjitha dhe dalim nga shtëpia me idenë që duhet të kalojmë çdo sfidë që na sjell dita”, shprehet Ina.
Policja ka braktisur gazetarinë për policinë dhe shprehet se ka qenë dëshira e saj e familjarët e kanë mbështetur.
Në fund Ina jep një mesazh për të gjitha gratë: Ndiqni ëndrrën tuaj.
