"NUK E KUPTOJ SI MË KANË DASHUR ME ATO FLOKË"/ Greta Koçi flet për fillimet e karrierës - AlpeGossip
“NUK E  KUPTOJ SI MË KANË DASHUR ME ATO FLOKË”/ Greta Koçi flet për fillimet e karrierës

“NUK E KUPTOJ SI MË KANË DASHUR ME ATO FLOKË”/ Greta Koçi flet për fillimet e karrierës

Karriera e Greta Koçit si këngëtare nisi në një moshë të vogël dhe tepër delikate për çdo njeri. Këngët e saj të para kanë qenë po aq të suksesshme sa dhe në ditët e sotme, por kjo sigurisht ka ndodhur me ndihmën e prindërve të saj që në daljet e para. E ftuar në ‘E Diell’ ditën e sotme, Greta ka zbuluar se prindërit kanë qenë një mbështetje e madhe për të. “Unë atëhere isha shumë e vogël, nuk e kuptoja çfarë do të thoshte të ishe i famshëm. Babi im që menaxhonte më thoshte: ‘Ty nuk duhet të të shohin kudo’. Këtë strategji e përdorin dhe të huajt dhe unë as kontakt me kolegët nuk kisha. Që do të thotë, ata ishin në një tavolinë, unë hyja me dy truprojet dhe shkoja në një dhomë tjetër. Kjo më ka ndihmuar të ruaj raporte shumë të mira, ndodh dhe me njerëzit e thjeshtë”, është shprehur ajo. Ndoshta kjo ka ndihmuar që Greta të jetë dhe të duket më e pjekur për moshën e saj. “Dua të jem i sinqertë me ty. Thonë për ty hera-herës: ‘Po ajo Greta pse ka një si hije gruaje’. E ke dëgjuar ndonjëherë?”, i është drejtuar Ervin Kurti Gretës. “Po e kam dëgjuar, po unë nuk e kam problem sepse kjo jam unë, nuk mund të ndryshoj. Njerëzit nuk të duan se di të këndosh bukur, duhet të kesh një karakter të veçantë që njerëzit të të duan dhe të të pranojnë. Mendoj se çelësi kryesor i suksesit tim është karakteri”, i ka kthyer ajo. Gjatë intervistës, Greta zbuloi gjithashtu se videoklipet e saj të vjetra nuk i pëlqenin aspak, madje mendonte: ‘Si më kanë dashur me këto flokë?’. Përsa i përket ‘zhveshjeve’ të saj nëpër foto apo videoklipe, këngëtarja është shprehur se ndryshe nga motra e saj, këto gjëra nuk i shkojnë dhe as nuk janë në tipin e saj. Biseda vijoi dhe sigurisht, nuk mund të mos përmendej Eni Koçi dhe i fejuari i saj, Genc Prelvukaj. Greta ka zbuluar se ka qenë ‘në mes tyre’ që në fillimet e lidhjes, e megjithatë asnjëherë nuk është ndjerë e tepërt. Genci dhe Greta kanë një marrëdhënie shumë të ngushtë ne njëri-tjetrin, aq sa mund të quhen motër dhe vëlla./revistawho.com