Dy javë më parë, aktori i njohur i ‘Portokalli’, Gaz Paja dhe partnerja e tij Ira i dhanë fund beqarisë. Ceremonia madhështore tërhoqi vëmendjen e të gjithëve dhe u komentua për ditë me radhë në mediat rozë.
Mirëpo, dy javë pas dasmës aktorja e ‘Portokalli’, Delinda Disha, ka zbuluar në emisionin ‘Thumb’ dhuratën speciale që stafi i ‘Portokalli’ i bëri kolegut të tyre.
“Ishte surprizë për Gazin sepse ne i bëmë edhe një këngë. Kënga ishte për Gazin që u martua, krijoi familje”, ka treguar aktorja teksa më pas ka zbuluar se shoqëria e dhëndrit ka bërë më shumë aheng në dasmën e Gazit.
