Këngëtarja shqiptare mesa duket është në telashe të mëdha për shkak të një shume parash që ka marrë borxh dhe nuk i ka kthyer. Vin Cara, ish-pronari i një clubi në kryeqytet ku edhe Adelina ka qenë e ftuar shumë herë ka bërë një denoncim në rrjetet sociale.
Duke e etiketuar këngëtaren në statuset e bëra, ai kërkon që Adelina t’i kthejë paratë që i ka marrë borxh, pa saktësuar se sa para i ka dhënë saktësisht Adelinës.
Në mesazhet e publikuara në Instastory, Adelina Berisha kërkon që Vini t’i mbyllë ndonjë concert në mënyrë që të barazohen me lekët që ajo i ka marrë.
“Ordinere, mashtruese që merr lekë dhe nuk i kthen, kush e shikon të më kontaktojë,”– shkruan Cara në një nga postimet ku shihen edhe mesazhet e shkëmbyera në Ëhatsapp me këngëtaren që i kërkon më tepër para për lekët e marra borxh.
Ndërkohë këngëtarja i ka bërë edhe bllok në Instagram, ish-pronarit të clubit në mënyrë që ky i fundit të mos ketë mundësi t’i shkruajë më. Gjithsesi nga ana e Adelina Berishës nuk ka patur asnjë reagim në lidhje me këto statuse.
