Si pantallonat xhins, ashtu edhe fundi nuk do të dalë kurrë nga moda. Ndonëse “stili i rrugës” duket se e ka përjashtuar pak nga loja këtë veshje që prej viteve 2000, kur vajzat “çmendeshin” pas mini-fundit, shtëpitë e modës e kanë risjellë këtë element në modele e ngjyra të ndryshme, në mënyrë që të përshtatet në kohë e vende të ndryshme. Mini-fundi u zëvendësua nga fundi nën gju, me prerje tubi, ai me të çarë përpara, apo me perçina, fundet xhins asimetrikë e sa e sa modele të tjera. Pranvera është sezoni kur kjo veshje mund të mbahet më së miri, ndaj më poshtë kemi përmbledhur disa kombinime për t’ju ardhur në ndihmë.
Nga bluzat e printuara të bardha, deri tek kamishat e mëndafshit apo xhinsit, fundi në po këtë material është një kameleon që ndërron faqe sa herë ne ndërrojmë aksesorët. Në varësi të humorit, eventit ku do të shkoni apo kohës së ditës, zgjidhni outfitin tuaj.
