Cardi B ka përshëndetur fansat e saj me një foto të ëmbël të vajzës Kulture, e cila erdhi në jetë në muajin korrik.
Të mërkurën, reperja publikoi foton e parë ku shfaqej fytyra e vogëlushes së saj, 5 muaj pas lindjes.
Fotoja vjen një ditë pasi Cardi B njoftoi ndarjen nga bashkëshorti Offset pas më shumë se një viti të martuar.
Cardi B dhe Offset u martuan fshehurazi në shtator 2017. Në fakt, Cardi B nuk e konfirmoi martesën deri në qershor të 2018-s.
Por me sa duket mes çiftit nuk ka funksionuar dhe reperja tha se tashmë ata i kanë ndarë rrugët dhe do të mbeten vetëm miq të mirë:
“Pra, të gjithë më kanë ngacmuar dhe unë jam përpjekur t’i bëj gjërat të funksionojnë me babanë e fëmijës tim dhe ne jemi me të vërtetë miq të mirë dhe ju e dini që jemi me të vërtetë partnerë të mirë në biznes”, shpjegoi Cardi B në videon e saj.
Ai është gjithmonë një njeri pas të cilit shkoj për të folur dhe kemi shumë dashuri për njëri-tjetrin, por gjërat nuk kanë funksionuar mes nesh për një kohë të gjatë dhe nuk është faji i askujt”.
“Mendoj se kemi lindur nga dashuria, por nuk jemi më së bashku. Nuk e di. Mund të duhet kohë për t’u divorcuar dhe unë gjithmonë do të kem shumë dashuri për të, sepse ai është babai i vajzës sime”, shkroi reperja.
Megjithatë pavarësisht ndarjes, Offset ende mban foton e bashkëshortes së tij në Instagram, ku e quan “grua”. Kjo i ka bërë fansat të mendojnë se ndarja mund të jetë e njëanshme.
