PAS SHTATZËNISË SË DYTË/ Modelja e njohur i quan kilogramët e tepërt normalë

Modelja e njohur, Chrissy Teigen, është bërë mama për herë të dytë pothuajse një vit më parë. Sigurisht, shtatzënitë e saj kanë ardhur me disa kilogramë të tepërt, por për të janë diçka shumë normale. Ajo ka folur shpesh herë për depresionin pas lindjes së vajzës së dytë, gjë që ka sjellë dhe një shtim në peshë. Si një modele, Chrissy ka qenë gjithmonë e njohur për linjat e saj perfekte dhe ky ndryshim është vënë re menjëherë nga fansat e saj. Madje dikush i ka shkruar në ‘Twitter’: “Po e bëj këtë pyetje me shumë respekt, por Chrissy Teigen është sërish shtatzënë?” dhe sigurisht, kjo pyetje ka marrë një përgjigje epike nga modelja. “Sapo kam lindur një fëmijë, por faleminderit që po tregohesh kaq shumë i respektueshëm”, ka shkruar Chrissy. Ajo gjithmonë e ka publikuar trupin në rrjete sociale dhe pas lindjes, megjithatë është shprehur se ende nuk ka arritur të ketë vetëbesim në këtë pikë.