Eleni Foureira këtë vit do të prezantojë Qipron në Eurovizion. Por gjesti që bëri ditën e djeshme, duke bërë simbolin e shqiponjës me duar bashkë me këngëtarin tjetër shqiptar Eugent Bushpepën, nuk u prit aspak mirë nga mediat greke.
Madje këto të fundit e hiperbolizuan veprimin duke e sulmuar ashpër këngëtaren. Por më në fund ka ardhur edhe reagimi i vetë Foureiras e cila shkruan:
“Muzika është për të bashkuar dhe jo ndarë njerëz, e prandaj jam këtu pa asnjë lidhje me gjithë këto çështje nacionaliste që disa njerëz më akuzojnë mua. Me të vërtetë e dua Greqinë dhe askush e asgjë nuk mund ta ndryshojë këtë. Le të shkojmë tani e të përfaqësojmë Qipron në mënyrën më të mirë”.
