Rita Ora ka arritur të jetë njëra ndër këngëtaret shqiptare me famë botërore.
Por nuk ngurron të ndihmojë edhe të tjerët që kanë talent. Teksa ka qenë duke ecur me makinë, ditën e djeshme ka ndaluar të dëgjojë një djalë që këndonte në rrugë. Ka ulur xhamin e makinës, dhe ka shijuar talentin e djalit në fjalë. Madje aq shumë i ka mbetur në mednje zëri i tij, saqë i ka bërë ftesë publike që ta kontaktojë.
“Mahnitëse, kushdo që je, të lutem më shkruaj”, ka shkruar këngëtarja sipër videos ku dëgjohet zëri i tij.
Por, në bazë të disa postimeve që bëri më pastaj, Rita ka treguar se e ka gjetur personin që këndonte në rrugë dhe u shfaq në studio bashkë me të. Nuk e dimë a do të pritet ndonjë bashkëpunim por gjesti i saj është shumë i bukur.
