Një ndër këngët më të bukura të “Kënga Magjike” ishte padiskutim “Ti më ke mua” e Kejsi Tolës, këngë kjo e realizuar nga Flori Mumajesi.
Të dielën, në programin “E diela Shqiptare” në një takim mes finalistëve të festivalit, në momentin që Kejsi po këndonte “Ti më ke mua” Flori është ngritur për ta shoqëruar përformancën e këngëtares me një vallëzim dhe si padashje situata u bë shumë romantike. Madje dy artistët vallëzuan dhe i drejtoheshin njëri-tjetrit me fraza nga teksti këngës duke u parë në sy. Që kishte kimi mes tyre dukej, por nuk dihet nëse është thjesht artistike apo ka diçka më shumë.
Mirëpo nuk mbaron me kaq. Flori ka publikuar një foto nga momenti kur interpreton me Kejsi Tolën këngën “Më ke mua”.
“Mërzitem edhe unë me ty ndonjëherë, më shumë për gjëra koti që nuk kanë vlerë. Por e gjej gjithmonë një motiv më fal të them, s’të gënjej dot përmendesh ti më njeh”, shkruhet në foto, një frazë e shkëputur nga teksti i këngës së Kejsit.
