Emergjenca Covid-19 e detyroi Blero Muharremin të mos kishte mundësi për një kohë të gjatë të takonte të voglën e tij, Tarën.
Siç dihet, Tara jeton me të ëmën dhe e takon babain sa herë t’i jepet mundësia.
Mirëpo, u bënë plot 3 muaj që këngëtari nuk shihej me të voglën për shkak të pandemisë dhe sigurisht që po e digjte malli për të.
Duket se pritja e gjatë ka marrë fund, pasi Blero e ka takuar më në fund të bijën dhe madje ka ndarë edhe një foto me të në rrjete sociale, krahas së cilës shkruan:
“Pas gati 3 muajve e takova dritën e syve të mi, Tarën time.”
E vogla ka një marrëdhënie super të mirë me partneren e re të të atit, Afrona Dikën.
Vajzat takojnë shpesh dhe në rrjete sociale nuk mungojnë pozat me njëra-tjetrën.
