Ndarja është faza më e vështirë në marrëdhënien midis një çifti. Ndonëse lidhja mbaron, përmirësimi i vetes pas kësaj etape duket i vështirë. Më poshtë ju sjellim disa prej hapave të cilat duhet t’i keni parasysh pas përfundimit të një marrëdhënie të komplikuar, sipas ‘Cosmopolitan’:
1-‘Block’, ‘Mute’ apo ‘Unfollow’. Bëni çdo gjë të mundur që atë person ta mbani larg dhe mos e lejoni që ai të kuptojë se ju po ndjeni dhimbje.
2-Nëse vërtetë ai person ka hequr dorë nga ju atëherë gjëja më e mirë që mund të bëni është ta zhdukni dhe ju menjëherë dhe jo ta zvarrisni këtë situatë.
3-Fokusohuni tek diçka tjetër. Mundohuni ta mbushni ditën tuaj me aktivitete të ndryshme në mënyrë që mos ta mbani mendjen tek ajo çfarë ju ka ndodhur.
4-Ushtrohuni shpesh. Mos e lini shëndetin tuaj fizik pas dore. Ushtrohuni ne palestër ose edhe për vrap. Kjo jo vetëm do ju bënte të ndiheshit mirë fizikisht, por edhe emocionalisht.
5-Njihni miq të rinj. Dilni më miqtë tuaj dhe njihni njerëz të rinj. Socializohuni sa më shumë.
6-Tregoni kujdes kur dëshironi të njihni dikë tjetër. Kur ju sapo jeni ndarë nuk është e këshillueshme të kaloni direkt në një lidhje tjetër.
7-Nxirreni dhimbjen tuaj, por pa përfshirë gjithë jetën tuaj. Nëse ju duhet ta nxirrni atë çka ndjeni nuk ka asgjë të keqe, por më pas duhet ta mblidhni veten.
8-Mësohuni me vetminë. Përpara se ju të krijoni një lidhje tjetër duhet që të gjeni qetësinë dhe lumturinë me vetveten si fillim.
