Ajo konfirmoi se solli në jetë fëmijën e saj të parë më 1 shkurt, pasi spekulohej prej muajsh shtatzënia e saj.
Kylie Jenner vendosi t’i kthehej punës të martën, pasi zbuloi fotot e saj të para pas lindjes së vajzës Stormi.
20-vjeçarja vendosi që të prezantonte koleksionin e saj të ri “Eye of the Storm”, me ngjyra të ndezura dhe shkëlqyese, i cili është frymëzuar nga emri i vajzës së saj.
Mediat konfirmojnë se fotot janë realizuar pas lindjes, ndërsa Kylie vendosi që të mos tregonte trupin e saj, por vetëm fytyrën.
“Kam punuar për këtë gjatë gjithë shtatzënisë sime. Dhe pasi zgjodhëm emrin Stormi, emri i saj më frymëzoi vërtetë”, tregoi Kylie për fansat.
