‘Aria Awards’ është një nga eventet më të rëndësishme muzikore në kontinentin australian. Këngëtarja shqiptare, Rita Ora për këtë vit është zgjedhur si e ftuar speciale në event. Në parakalimin e tapetit të kuq, ajo kishte zgjedhur të vishte një fustan në ngjyrë lejla i frymëzuar nga përrallat dhe të gjitha mediat e huaja e cilësuan si ‘princesha e mbrëmjes’.
Më pas Rita u ngjit në skenë për të performuar disa nga hitet e saj më të njohura dhe në pjesën më të madhe të eventit vëmendja ishte e drejtuar nga ajo. Këngëtarja me origjinë shqiptare prezantoi dhe një nga çmimet më të rëndësishme të mbrëmjes, ‘Kënga më e mirë Pop’.
