Këngëtari shumë i dashur për publikun, Mateus Frroku ishte së fundmi i ftuar në emisionin “Zemër Luana”. Ai i bëri një dedikim shumë të ndjerë partneres së tij, Xhesi Merës, e cila ishte violiniste në orkestrën e programit.
“Unë jam tip që i them “Po” dashurisë. I them kudo. Edhe në rrugë, edhe në televizion, kudo qoftë. Unë i them “Po” dashurisë time se ndihem me fat që e kam. Dua t’i them “po” kësaj dashurie gjithë jetën time dhe shumë faleminderit që jemi bashkë”, u shpreh Mateus duke e parë Xhesin në sy.
Më pas këngëtari shkoi drejt saj dhe i dhuroi një puthje në buzë, një në ballë si dhe një përqafim.
