Më datën 21 shkurt të këtij viti moderatorja e dashur për publikun Elita Rudi u bë nënë për herë të parë dhe tashmë në llogarinë e saj në Instagram nuk mungojnë herë pas here dedikimet e ëmbla për të voglin e saj, Zëri.
Sot bukuroshja feston ditën e parë të nënës dhe në këtë ditë të shënuar nuk ka nguruar që të bëjë publik një dedikim super të veçantë për vogëlushin.
Ja vargjet e ëmbla që mami Elita ka thurur për të birin:
“Mama e re,
Gëzim i ri,
Ndihem kaq e bekuar!
Netë të gjata,
Ditë të shkurtra,
Të kthehem pas?
S’ka shans!”
Në vijim moderatorja shkruan se e do shumë dhe se për të vogëlushi është më shumë se një ndjenjë. Po ashtu ajo i uron të gjitha nënat për këtë ditë speciale.
Mos të harrojmë pa përmendur edhe fotot e adhurueshme të Zërit i cili është rritur dhe është bërë një yll i vërtetë.
