Pas lajmit të largimit të Arbana Osmanit nga “Top Channel”, një tjetër largim nga televizioni bëri bujë në mediat shqiptare.
Kejvina Kthella, velina bjonde e emisionit “Xing me Ermalin” u tha se është larguar nga puna pas një debati me moderatorin.
“Xing.al” raportonte se Kejvina e ka braktisur emisionin në mes të sezonit si pasojë e një konflikti me moderatorin Ermal Mamaqi.
“Shkak është bërë fakti që ajo nuk ka marrë vëmendjen dhe dedikimin e duhur nga Ermal Mamaqi”, shkruante “Xing.al.”
“Iconstyle.al” kontaktoi vetë me Kejvinën për të mësuar më shumë për arsyen e largimit nga programi i humorit dhe përgjigjja e saj sapo na bëri më shumë lëmsh.
Kur u pyet nëse është i vërtetë lajmi i largimit, bukuroshja bjonde u përgjigj “As po, as jo”, ndërsa shtoi se nuk donte të fliste më shumë për këtë pjesë.
Kjo na bëri të dyshojmë se vetë Kejvina nuk është e sigurt për largimin dhe madje mund të ketë sërish një rikthim, pasi Ermali t’i premtojë se do t’i kushtojë më shumë vëmendje!
