Për vetëm rreth 2 muaj, Xhensila dhe Bes Kallaku do të bëhen prindër për herë të parë. Çifti zbuloi se po presin një vajzë dhe tashmë kanë nisur me përgatitjen për pjesëtaren e re të familjes së tyre.
Ndërsa ndoqi bashkëshorten të performonte në koncertin e organizuar në qendër të Tiranës, Besi u pyet për emrin e vogëlushes, që pritet të vijë në jetë së shpejti.
“Kemi menduar 2-3 emra, tani presim të zgjedhim. Do ta bëjmë me short”, tha aktori i humorit gjatë një interviste për emisionin “Jo vetëm modë”.
Ai u shpreh edhe për marrëdhënien me mediat sociale, ndërsa u pyet për faktin nëse “i bën gjërat për t’u dukur”:
“Ishalla të gjithë le t’i bëjnë për t’u dukur. Se jemi mësuar të rrimë para telefonit, duke shkruar “i bën gjërat për t’u dukur”. Hajt se i kam bërë për t’u dukur, por bëjini dhe ju”.
