Prej vitit të kaluar Gashi ka tërhequr edhe vëmendjen e mediave të huaja.
Reperi i njohur shqiptar shtoi dyshimet gjatë fundjavës se, mund të sjellë një bashkëpunim me DJ Snake dhe Cardi B, pasi pozoi me të dy në “Coachella”.
Por tashmë mësohet se Gashi do të jetë i ftuari special në turneun e këngëtarit amerikan Blackbear, që do të nisë më 16 maj dhe përfundon më 23 qershor.
Ishte Labinot Gashi i cili dha lajmin përmes një postimi në Instagram, ku shkroi: “Shihemi atje”, ndërsa në foto publikoi edhe detajet për datat dhe vendet ku do të mbahen koncertet gjatë turneut në Shtetet e Bashkuara të Amerikës.
