Prej ditësh tashmë, aktori i njohur Ermal Mamaqi së bashku me kastin e aktorëve të filmit “I love Tropoja” ndodhen në Tropojë ku dhe po xhirojnë. Vazhdimisht në rrjetet sociale Ermali ka ndarë me fansat momente nga prapaskenat e xhirimeve ku me anë të videove dhe fotove ka zbuluar dhe një pjesë të kastit.
Pak minuta më parë, Ermali ka publikuar një video të shkëputur nga kanagjegji i nuses. Siç shihet, nusja është veshur me kostum popullor tropojan, me shami të kuqe në kokë, ndërkohë që rreth saj ka disa vajza të veshura dhe ato me kostume.
Po ashtu në sy bie vajza e vogël e cila ka marrë një tepsi në duar dhe e rrotullon atë duke i lënë të gjithë pa fjalë me aftësitë e saj.
