Në muajin maj të vitit që lamë pas, aktorja Sophie Turner dhe këngëtari Joe Jonas kurorëzuan me martesë dashurinë e tyre.
Në intervista të shumta ata kanë deklaruar se kanë gjetur dashurinë e jetës dhe janë më shumë se të lumtur në krahët e njëri-tjetrit.
Mirëpo, kjo marrëdhënie s’ka qenë aspak e njëjtë në fillim, le të mos themi e kundërta e asaj që janë sot!
Para se ta njihte, Sophie mendonte se Joe ishte një “trap”, siç ajo ka treguar vetë për revistën “Elle”.
Aktorja e “Game Of Thrones” nuk kishte qenë aspak fanse e Jonas, deri në momentin që e kishte takuar atë.
Për më tepër, ajo ka rrëfyer për “Elle” se në takimin e parë me këngëtarin kishte shkuar me një grup shokësh të sajët, pasi mendonte se edhe Joe do të vinte me truprojat e tij.
Megjithatë, shqetësimi i Sophie kishte qenë i kotë pasi biseda me Joe Jonas rezultoi tepër e këndshme dhe që prej takimit të parë ata s’mundën të shkëputeshin dot më nga njëri-tjetri.
Prej disa javësh po qarkullon lajmi se Turner dhe Jonas janë në pritje të fëmijës së tyre të parë, megjithatë ende nuk kemi një konfirmim të lajmit nga çifti.
