Koreografi Albi Nako është kritikuar sërish në rrjetet sociale për sjelljen e tij ndaj një vajze në formatin “Të ka mami yll”, në të cilin marrin pjesë fëmijë nga mosha 10-15 vjeç.
Pjesë e formatit është pikërisht edhe Albi Nako ku bën pjesë në jurinë që vlerëson fëmijët. Ai ka ironizuar një prej vogëlusheve për shëndetin e tepërt duke bëtë komente bullizuese.
“Ty të pëlqen më shumë të ushqehesh apo të kërcesh?”- e pyet Albi Nako vajzën.
“Të kërcej”- i përgjigjet ajo.
Më pas Albi Nako insiston duke e pyetur vajzën se cili nga djemtë krah saj e ka trupin më të bukur për balet. Ky ishte një moment si sikletshëm për vajzën, e cila u zu ngushtë dhe nuk u ndje mirë për shkak të trupit të saj.
Kohë më parë Nako u kritikua edhe për një koment ndaj një gruaje 40-vjeçare që mori pjesë në Let’s Dance në E Diell.
