TËRMETI TRAGJIK/ Majk dhe Getoar Selimi japin të ardhurat nga koncertet për të prekurit (FOTO) - AlpeGossip
TËRMETI TRAGJIK/ Majk dhe Getoar Selimi japin të ardhurat nga koncertet për të prekurit (FOTO)

TËRMETI TRAGJIK/ Majk dhe Getoar Selimi japin të ardhurat nga koncertet për të prekurit (FOTO)

Dyshja e grupit  Babastars, Majk dhe Getoar Selimi kanë vendosur të ndihmojnë personat e prekur nga tërmetet në Shqipëri.

Ata vendosën që të mos e ndalojnë punën e tyre, duke mbajtur kështu koncertet e planifikuara, ku një pjesë të fitimeve nga mbrëmjet muzikore do t’i ndajnë për banorët e prekur nga tërmetet. “Mbështetja jonë për rastet në nevojë nuk ka rreshtur asnjëherë. Situatën e tanishme në atdheun tonë e bashkëndjejmë sikur secili shqiptar, kudo që është.

Ditët e fundit nuk kemi performuar, si shenjë solidarizimi me dhimbjen e të gjithë neve. Nga sot vazhdojmë me performancat tona dhe nga secila performancë e këtyre ditëve, sikur çdo herë tjetër, do të ndajmë kontribut për të gjithë vëllezërit e motrat në nevojë nga fatkeqësia e fundit! Geasy & Majk”, është shprehur Getoar Selimi.