Menjëherë pasi Elvana Gjata u shpall fituese e vendit të dytë, rrjeti ziente nga komentet, reagimet, pakënaqësitë. U tha se Elvana u mbyll në dhomë pas festivalit dhe nuk dha asnjë intervistë duke i lënë gazetarët në pritje për të marrë deklaratën e saj. Mirëpo e vërteta qenka ndryshe. Elvana pas festivalit ka dhënë një intervistë para kamerave për “Euronews” ku shprehet se reagimi i publikut ka më shumë rëndësi sesa çmimi.
“Nuk ka kupë, nuk ka festival që mund ta kthejë atë që publiku më ka dhënë këto 15 vite karrierë. Absolutisht, nuk mund të gënjej se çdo konkurrent dëshiron që të fitojë, por unë ndihem e fituar vërtet. Ndihem e fituar që ditën që kam nxjerrë këngën. Të gjithë shqiptarët e kanë ripostuar këngën dhe e ndjej që e duan këngën. Nuk gënjej për këtë gjë dhe ata nuk gënjejnë kur ma thonë”, u shpreh Elvana./Xing.al
