Zëri, djali i Elita Rudit dhe Gjikos, lindi në shkurt të këtij viti. Që nga ajo ditë, prindërit e njohur të Showbizit, kanë ndarë foto nga çdo moment i rritjes së tij.
Ditën e djeshme çifti bëri të ditur që Zëri ka thënë tashmë fjalën e tij të parë “mama”, ndërsa sot bëjnë të ditur që i vogli i tyre do të ketë së shpejti një dhomë të tijën, e cila është në arredim e sipër. Reperi Gjiko ka ndarë një video në InstaStoryn e tij ku duket dhoma e Zërit në proces rregullimi. Kanë filluar me një tapet të butë në formë puzzle dhe me ngjyra të ndryshme.
Në video dëgjohet zëri i Gjikos që thotë “Vazhdojmë” duke treguar se puna për arredimin e dhomës vazhdon dhe që së shpejti Zëri do të ketë dhomën e tij.
