Ditët e fundit në mediat rozë qarkulloi me shumë shpejtësi lajmi se se dy moderatorët e njohur, Ardit Gjebrea dhe Arbana Osmani do të bashkëpunonin për një projekt të rëndësishëm në Tv Klan.
Aludimet ishin se dyshja do të prezantonin bashkë festivalin ‘Kënga Magjike’. Shkak për gjithë këtë u bë një drekë mes Arbanës dhe Arditit, teksa ishte e pranishme edhe bashkëshortja e këtij të fundit si dhe vajza.
Mirëpo, Gjebrea ka reaguar lidhur me këto lajme dhe ka sqaruar njëherë e mirë të vërtetën. Moderatori shprehet se takimi i tyre ishte thjesht miqësor.
“Hajde besoju këtyre. Shyqyr nuk thanë që ndahem nga gruaja. Po një drekë për qejf ishte mor aman, a mundet që miqtë e mirë të hanë një drekë jashtë pune? Apo duhet se s’bën të ketë diçka pas”, sqaron Arditi.
