Arbana Osmani ka qenë këto kohë shumë e angazhuar në përgatitjen e librit të saj të dytë “Receta për 5 minuta” dhe pas botimit, moderatorja iu përkushtua të gjithë njerëzve që prisnin në rradhë për ta blerë librin në panair e për të marrë një nënshkrim nga ajo.
Me mbarimin e panairit, Arbana ka nisur turin në disa qytete të Shqipërisë për ta prezantuar librin edhe atje ndërsa së shpejti do shkojë edhe në disa vende të botës ku ka shumë shqiptarë.
Sa i përket televizionit, Arbana do rikthehet në ekran në muajin janar me emisionin “Dua të të bëj të lumtur”. Moderatorja ka zbuluar edhe datën e nisjes së emisionit i cili do fillojë nga 18 janari.
