Mbrëmjen e djeshme është larguar nga shtëpia e “Big Brother VIP”, Sabiani. Kësaj radhe këngëtari i njohur e ka lënë përfundimisht shtëpinë më të famshme në Shqipëri, duke hequr dorë nga çmimi i madh prej 100 mijë euro.
Kujtojmë se Sabiani është eliminuar edhe para disa javësh, por ai pati fatin që në biletën e tij të kishte të shkruar “vajtje-ardhje”. Por tani nuk kishte më një shans të dytë.
Lidhur me largimin e tij nga BB VIP kanë reaguar disa personazhe të njohur, mes tyre edhe ish-banori Elhaid Cufi. Ky i fundit ka postuar në “Instastory” një foto ku shfaqet Sabiani në studio së bashku me Arbanën.
Cufi shkruan se i vjen keq që doli kaq shpejt, por edhe mirë pasi do të takohen për të biseduar ashtu siç bënin kur ishin brenda.
“Zemra jote është një thesar që nuk e gjen kudo, më vjen keq që dole kaq shpejt. Por edhe mirë që do shihemi, e të takohemi me bisedat tona ashtu siç u kënaqëm sa ishim brenda. Ti na dhe të gjithëve buzëqeshje e pozitivitet, gëzohem shumë që të kam njohur”, shkruan Elhaidi në postimin e tij.
